Colectivo Mur

Diversidade: Despois do gran éxito e impacto obtido co espectáculo Mur, De tú a tú é o novo proxecto de circo integrador dirixido por Nacho Flores. Un espectáculo elaborado a partir de distintos “binomios”, cada un con artistas con e sen diversidade funcional e cun director propio especialista nunha disciplina circense concreta. Estes binomios levaranos nunha viaxe a unha introspección sobre as relacións persoais que xorden dos dúos, ademais de servir para afondar en técnicas como os malabares, o transporte acrobático con patíns, o clown ou o ciclismo acrobático. Grandes artistas do panorama catalán forman parte do equipo artístico deste súper proxecto.