Festigual

FESTIGUAL celebra este ano o seu sexto aniversario. Seis anos visibilizando o traballo de todas as persoas e entidades que loitan cada día por unha cultura máis aberta, con menos barreiras e que inclúa todas as formas de percibir a realidade. FESTIGUAL é un escaparate imprescindible para que todos aqueles traballos de fondo, ensaios e procesos creativos que supón calquera actividade artística sexan expostos ao público en xeral. Independentemente das nosas condicións físicas ou cognitivas, reivindicamos o dereito ao pleno goce da cultura. Queremos espazos normalizados para as nosas manifestacións artísticas e culturais fóra do circuíto terapéutico ou ocupacional. Queremos un mundo máis xusto, máis igualitario e máis diverso.